პედაგოგიური პრაქტიკის კვლევა

მასწავლებელთა III საუნივერსიტეტო კონფერენცია

ჩატარების ადგილი: რუსთავი,  მე– 12 საჯარო სკოლა

ორგანიზაცია: ივანე ჯავახიშვილის სახელობის თბილისის სახელმწიფო უნივერსიტეტი,ჰუმანიტარულ მეცნიერებათა ფაკულტეტი,პედაგოგიკის სასწავლო-სამეცნიერო ინსტიტუტი.

კონფერენციის ხანგრძლივობა:   2 დღე

თარიღი: 5–6 დეკემბერი

მიზანი : კონფერენცია მიზნად ისახავდა  უმაღლეს და საშუალო სკოლას შორის აკადემიური ურთიერთობების განვითარება გაღრმავებას; მონაწილეებს შორის ცოდნისა და გამოცდილების გაზიარებას, რაც, თავის მხრივ, ხელს შეუწყობს სწავლების ხარისხის გაზრდას როგორც საშუალო, ისე უმაღლეს სკოლაში და განავითარებს პედაგოგიკის მეცნიერების თეორიასა და პრაქტიკას. ასევე განხორციელდა განათლების სპეციალისტების, საუნივერსიტეტო პროფესიული საზოგადოებისა და საშუალო სკოლის მასწავლებლების მიერ თანამედროვე საგანმანათლებლო პროცესების განსაზღვრული სასწავლო მიზნების სირთულეებისა და პრობლემების ანალიზი; პროფესიული საჭიროებების გათვალისწინებით, პრობლემური

საკითხების დასმა და კონკრეტული ნაბიჯების დასახვა სამომავლო ურთიერთთანამშრომლობის გზებისა და ფორმების შემუშავების მიზნით.

რეზიუმე:  5 დეკემბერს  ივანე ჯავახიშვილის სახელობის თბილისის სახელმწიფო უნივერსიტეტში , ჰუმანიტარულ მეცნიერებათა ფაკულტეტის პედაგოგიკის სასწავლო-სამეცნიერო ინსტიტუტმა მასწავლებელთა III კონფერენცია „ უნივერსიტეტი სკოლას - სკოლა უნივერსიტეტს“ გახსნა. მუშაობისათვის მეტად თბილი და უშუალო გარემო იყო შექმნილი. მე,როგორც მომხსენებელმა  6 დეკემბერს წარმოვადგინე თემა: მხატვრული ნაწარმოების კითხვის სირთულე სკოლაში

   კონფერენცია მართლაც ეროვნული სულისკვეთების მატარებელი იყო, აქ განხილული ყველა პრობლემა და მათი გადაჭრის გზების ძიება,ვფიქრობ, ქვეყნის უმთავრესი პრობლემის,მომავალი თაობის აღზრდისა და ჯანსაღი განათლების სისტემის ჩამოყალიბების საწინდარია.
   საორგანიზაციო ჯგუფმა კონფერენციის ყველა მონაწილე სერტიფიკატებით დააჯილდოვა.

კონფერანციის თემები გამოქვეყნდა ელექტრონულ ჟურნალში